Kilele cha Rayon Day ni August 15 ambapo Yanga itakuwa Rwanda kuchagiza siku hiyo kwa mchezo wa kirafiki dhidi ya wenyeji wao Rayon Sports
Meneja wa Habari na Mawasiliano wa Yanga Ali Kamwe amethibitisha mchezo huo baada ya kupokea taarifa rasmi kutoka kwa timu ya Rayon
Kamwe amesema Yanga chini ya kocha mpya itaanza maandalizi yake mwanzoni mwa August na watakuwa na takribani wiki mbili za mazoezi kabla mchezo huo
"Mchezo dhidi ya Rayon Sports ni August 15, tutafanya hamasa kubwa ili kuhakikisha sisi Yanga tunakwenda kwa wingi Rwanda"
"Kuanzia Julai 20 hadi August 03 ni kipindi ambacho tutafanya utambulisho wa kikosi chetu, taarifa za wachezaji walioondoka, waioongeza mikataba na wale tuliowasajili zitatolewa"
"Baada ya kukamilisha zoezi hilo timu itakuwa tayari kuanza maandalizi chini ya kocha wetu mpya"
"Mashabiki na Wanachama wa Yanga watarajie kuiona Yanga mpya August 15, tutakwenda Rwanda na kauli ya mbinu ya KUPIMA," alisema Kamwe
