Inaelezwa kulikuwa na jitihada kubwa kutoka klabu ya Simba kusajili miongoni mwa nyota wa Yanga ili kuwatuliza mashabiki wao
Jaribio la kwanza lilifanyika kwa Mudathir Yahya ambapo msemaji wa Yanga Ali Kamwe alifichua jinsi alivyofuatwa nyumbani kwao Zanzibar ili kushawishiwa
Hata hivyo haikuwezekana baada ya Mudathir kuamua kuongeza mkataba Yanga. Jitihada kama hizo pia zilifanyika kwa nyota wengine waliokuwa wamemaliza mikataba wakianza na Pacome Zouzoua, Maxi Nzengeli na hata Dickson Job
Lakini uongozi wa Yanga umekuwa imara kuhakikisha nyota wote muhimu wa kikosi cha kwanza ambao mikataba yao ilikuwa imemalizika wanabaki
Walianza na Mudathir, amefuata Pacome na bado taarifa za nyota wengine Maxi Nzengeli, Dicksoj Job na Duke Abuya ambao nao wameongeza mikataba
Itoshe kusema katika dirisha hili Simba wamekosa pa kujifariji kwani Yanga imezuia nyota wake wote muhimu lakini pia imefanikiwa 'kupita' na wachezaji waliokuwa karibu kutua Simba pamoja na kumng'oa nahodha wa Simba Mohammed Hussein 'Zimbwe Jr'
Presha sasa iko upande wa Simba kumbakisha Elie Mpanzu ambaye inaelezwa Yanga imeweka ofa kubwa mezani kumsajili
Tayari Meneja wa Habari na Mawasiliano wa Yanga Ali Kamwe ameanza tambo kuwa kuna utambulisho mkubwa ambao unakwenda kuwavuruga zaidi
