Klabu ya Yanga inatarajiwa kumtangaza Paul Matthews kuwa Mkurugenzi wa ufundi akichukua nafasi iliyokuwa inashikiliwa na Abdihamid Moallin ambaye alibadilishiwa majukumu na kuwa Kocha Msaidizi
Matthews alikuwa Mkurugenzi wa ufundi katika klabu ya SuperSport United, alijiuzulu nafasi yake baada ya timu hiyo kuuzwa na sasa ikifahamika kama Siwelele Fc
Matthews alikuwa sehemu muhimu katika usajili wa wachezaji wa timu hiyo, na alipewa sifa kwa usajili wa wachezaji kama Teboho Mokoena alipovutwa kujiunga na klabu hiyo kutoka Harmony Academy, pamoja na Sipho Mbule.
Ime Okon alikuwa mmoja wa vipaji vipya vilivyogunduliwa na Matthews, ambaye alikuwa na majukumu mengi katika Matsatsantsa, yakiwemo ya kusaka vipaji, usajili, na uchambuzi wa utendaji.
Akiwa ni mtu anayeheshimika katika soka la Afrika Kusini, anamiliki leseni ya UEFA B, akiwa amewahi kufanya kazi na AmaTuks, Jomo Cosmos, na Tembisa Classic.
Wakati akiwa Tuks, wachezaji kama Andile Jali, Bongani Khumalo, Grant Kekana, Bongani Zungu, na Buhle Mkhwanazi walijiunga na kikosi hicho, ambapo alikuwa kocha msaidizi na mkuu wa usajili kwa kipindi cha miaka saba
Matthew sasa anajiunga na benchi la ufundi la Yanga pamoja na Kocha Mkuu Romain Folz, katika nafasi ya Mkurugenzi wa Ufundi.
Vyanzo vimedhibitisha kuwa anatarajiwa kuwasili Tanzania leo Ijumaa, kuanza enzi mpya na Wananchi ambao walifunga msimu uliopita kibabe kwa kushinda mataji matano
