Kiungo wa timu ya Taifa ya Tanzania 'Taifa Stars' Mudathir Yahya anaendelea kung'ara katika michuano ya CHAN 2024 inayoendelea jijini Dar es salaam jana akiiongoza Stars kupata ushindi wa bao 1-0 dhidi ya Mauritania kwenye mchezo uliopigwa uwanja wa Benjamin Mkapa
Mudathir alichaguliwa kuwa nyota wa mchezo huo ambao ulishuhudia dakika 90 za aina yake Stars ikifunga bao la ushindi dakika za lala salama kupitia kwa Shomari Kapombe
Kiungo huyo wa mabingwa wa soka Tanzania Bara Yanga, amekuwa nguzo ya safu ya kiungo ya kikosi cha Dtars akishirikiana vyema na viungo wenzake Feisal Salum 'Fei Toto' na Yusuph Kagoma ambaye hata hivyo jana alicheza kwa dakika 45 tu baada ya kupata kadi ya njano mapema ambapo kadri mchezo ulivyoendelea kulikuwa na hatari ya kupewa kadi ya pili ya njano
Mudathir ameendeleza ubora alioonyesha kwenye michuano hiyo tangu mchezo wa kwanza dhidi ya Burkina Faso
Stars inaongoza kundi B ikifikisha alama 6 baada ya ushindi dhidi ya Mauritania ikijiweka katika nafasi nzuri ya kutinga hatua ya mtoano
