Unaweza kusema mshambuliaji Clement Mzize ndio habari ya mjini kwa sasa katika soka la Tanzania akiendelea kuwagonganisha vigogo pale Makao Makuu ya Yanga, Jangwani wakiwania saini yake
Mpaka sasa tayari Yanga ina makubaliano na klabu ya Al-Sadd SC ya Qatar lakini klabu hiyo bado haijafikia makubaliano na Mzize mwenyewe juu ya maslahi yake hasa upande wa mshahara
Juzi klabu ya Al Masry nayo ikajitosa ikituma ofa inayokadiriwa kufikia Tsh Bilioni 1.5 ambayo hata hivyo ilikataliwa na Yanga kwani tayari Al-Sadd SC wameweka mezani Tsh Bilioni 2.2
Klabu ya Esperance ya Tunisia nayo inatarajiwa kutuma ofa ndani ya siku chache zijazo kujaribu kumshawishi Mzize kuelekea Tunisia
Al Ittihad ya Libya na Zamalek nazo zilituma ofa ambazo hata hivyo hazikumshawishi mchezaji huyo upande wa maslahi
Uongozi wa Yanga umefungua milango kwa Mzize kwenda kutafuta changamoto nje ya mipaka ya Tanzania, lakini inaelezwa kinachofanya mpaka sasa yuko nchini ni upande wa wasimamizi wake
Zamalek walikuwa katika hatua za mwisho kumsajili lakini walisitisha mpango huo wakidai gharama ziliongezeka katikati ya mchakato kinyume na makubaliano ya awali
