Meneja wa Habari na Mawasiliano wa Yanga Ali Kamwe amesema klabu hiyo bado haijafunga michakato yake ya usajili
Akizungumza jana baada ya hafla ya kusainiwa mkataba wa udhamini baina ya Yanga na kampuni ya Haier, Kamwe alisema wanaweza kuongeza wachezaji watatu kwa kuzingatia mahitaji ya benchi la ufundi
"Usajili bado hatujamaliza, niwaambie mashabiki na wanachama wa Yanga wawe na subira, tunaweza kuongeza hadi wachezaji watatu ambapo wawili ni wachezaji wa ndani na mmoja wa kigeni"
"Tunajenga timu kwa ajili ya mashindano yote ya msimu ujao kwa hiyo lazima tuwe na kikosi kipana kilichosheheni ubora katika kila eneo ili tuweze kupambania makombe yote," alisema Kamwe
Mpaka sasa Yanga imekamilisha usajili wa wachezaji 9 ambapo mabingwa hao wa soka Tanzania Bara wameongeza nyota watano wa kigeni na wanne wa ndani
Wachezaji wa kigeni ni Moussa Balla Conte, Andy Boyeli, Lassine Kouma, Ecua Celestin na Doumbia
Kwa upande wa wachezaji wa ndani ni Offen Chikola, Aboubakar Nidhar Othman 'Ninju', Mohamed Abdallah 'Casemiro' na Mohamed Hussein 'Zimbwe Jr'
