Katika msimamo wa klabu uliotolewa na Shirikisho la soka barani Afrika (CAF) kuelekea droo ya hatua ya awali ligi ya mabingwa na kombe la Shirikisho, Yanga iko nafasi ya 12 ikiwa na alama 34 sawa na Al Hilal ya Sudan
Mabingwa hao wa soka Tanzania Bara wataanzia hatua ya awali dhidi ya timu ambazo ziko katika ranking ya chini. Droo ya mechi za hatua ya awali itafanyika kesho Jumamosi
Msimu huu ni timu mbili tu ambazo hazitacheza hatua ya awali kwenye ligi ya mabingwa ambazo ni Al Ahly na Mamelodi Sundowns pekee
Hivyo Yanga na Simba, wawakilishi wengine wa Tanzania katika michuano ya ligi ya mabingwa wote wataanzia hatua ya awali
Endapo Yanga itafanikiwa kutinga hatua ya makundi baada ya mechi nne za hatua ya awali na raundi ya kwanza, itakuwa na uhakika wa kukaa katika poti namba 2 kwnye droo ya makundi
Yanga, Pyramids, Al Hilal na Simba zote zinaweza kuwa poti namba 2 kama zitapenya hatua ya makundi
Al Ahly, Mamelodi Sundowns, Esperance na RS Berkane zinaweza kukutana poti namba 1 kama zitafuzu hatua ya makundi
