Waziri wa ardhi Mh. Deogratius John Ndejembi amewahakikishia Wanachama wa klabu ya Yanga kuwa hati ya umiliki wa eneo la uwanja itakabidhiwa katika kipindi cha siku 14
Ndejembi alitoa kauli hiyo katika Mkutano wa Wanachama uliofanyika SuperDome, Masaki jijini Dar es salaam
Baada ya kauli ya Waziri, Rais wa Yanga Injinia Hersi Said amesema watakapokabidhiwa hati hiyo mchakato wa ujenzi wa uwanja huo utaanza mara moja
Hersi amewahakikishia Wanachama wa Yanga kuwa suala la ujenzi wa uwanja ni deni kubwa kwake na hataondoka Yanga hadi pale ahadi hiyo itakapotimia
Michakato hiyo inakwenda kukamilika baada ya Rais wa Jamhuri ya Muungano wa Tanzania Mh. Dk Samia Suluhu Hassan kuridhia ombi la Yanga kuongezewa eneo ili kujenga uwanja ambao utachukua takribani mashabiki 30,000
