Klabu ya Yanga ina thamani ya Shilingi Bilioni 100, baada ya kamati maalum iliyoundwa kwa ajili ya tathmini hiyo kukamilisha kazi yake.
Akizungumza katika Mkutano Mkuu wa Wanachama uliofanyika mapema leo kwenye ukumbi wa SuperDome, Masaki jijini Dar es Salaam, Mwenyekiti wa Kamati hiyo, Alex Mgongolwa, alisema tathmini hiyo imefanywa na kampuni ya kimataifa ya ushauri wa uwekezaji na mali isiyohamishika, Colliers International.
Mgongolwa alisema hatua hiyo ni mwanzo wa mchakato mpana wa klabu kuingia katika mfumo wa kisasa wa uendeshaji kwa kuuza hisa, na kuongeza kuwa thamani hiyo itatumika kama mwongozo katika taratibu zote za uwekezaji zitakazoanza hivi karibuni.
Kwa mara ya kwanza, Yanga inakuwa miongoni mwa vilabu vichache nchini vilivyopata uthamini rasmi wa kibiashara, hatua inayotajwa kufungua ukurasa mpya wa uendeshaji wa kisasa
Thamani hiyo ni mara tano ya thamani ya watani zao klabu ya Simba iliyo na thamani ya Tsh Bilioni 20
