Meneja wa habari na Mawasiliano wa Yanga Ali Kamwe amesema ushindi wa mabao 3-0 dhidi Wiliete Fc waliopata nchini Angola leo ni ishara ya dhamira ya Yanga katika michuano ya ligi ya mabingwa msimu huu
Katika kipindi cha siku tatu, Yanga imecheza mechi mbili kubwa huku ikisafiri umbali mrefu kuifuata Wiliete baada ya mchezo wa Ngao ya Jamii dhidi ya Simba
Kamwe amesema wamepata muda mfupi wa kufanya maandalizi Angola lakini leo wameshuka uwanjani na kuibuka na ushindi mnono
"Baada ya dakika 90 za Derby ya Kariakoo, saa 4 usiku timu inarudi hotelini kujiandaa na Safari. Saa 7 usiku vijana wanafika Airport, Ndege shwaaa Ethiopia, tunasubiri kwa saa 3 Airport kisha tunaunga Ndege Angola"
"Saa 4 angani.. Tunafika Angola, Tunapata siku moja tu ya Kufanya mazoezi na bado tunaingia uwanjani TUNASHINDA KIBABE 3-0 UGENINI"
"Hii ni STATEMENT KUBWA sana Yanga imeitoa .. inahitaji mtu wa Football kuelewa hili," aliandika Kamwe katika ukurasa wake wa mtandao wa kijamii
