Kocha Mkuu wa Yanga Romain Folz amesema anajivunia kuwa na kikosi kipana kilichosheheni wachezaji ambao wako tayari kutumika katika kila mchezo
Folz amesema kila mchezaji katika kikosi chake ni muhimu lakini anapaswa kutumia wachezaji 11 wa kuanza katika kila mechi hivyo haimaanishi kama mchezaji hajaonekana katika mechi moja sio muhimu
Kuelekea mchezo wa ligi kuu dhidi ya Pamba Jiji ambao utapigwa kesho Jumatano katika uwanja wa Benjamin Mkapa, Folz amesema kuwa wanakwenda kwenye mchezo huo wakiwa na dhamira ya kuanza vyema msimu kwa kuibuka na ushindi
"Tunakwenda kucheza mchezo wa tatu wa ushindani, kwetu ni mchezo muhimu sana na tumejianda kufanya vizuri. Tupo tayari kwenye kila idara. Tumepata Pre-Season bora ambayo itatusaidia sana msimue"
"Msimu huu kila mechi tunahitaji kupata alama tatu kila mechi. Yanga ni timu kubwa, malengo yetu ni kutwaa ubingwa wa ligi. Tunawachezaji bora sana na kikosi kipana. Kila Mchezaji kwangu ni muhimu. Unaweza kumuona mchezaji mmoja leo, mchezo unaokuja usimuone. Nitatoa nafasi kwa kila mchezaji kulingana na anavyojituma"
"Tutarajie kuona mabadiliko ya wachezaji katika mechi zetu lakini muhimu ifahamike tuna timu imara yenye wachezaji ambao wako tayari kuipigania timu hii ili tufanye vyema na kutimiza malengo yetu," alisema Folz
Akizungumza kwa niaba ya wachezaji wenzake, beki Frank Assink alisema mashabiki wanajua Yanga ni timu nzuri na kesho watarajie kuona kiwango kizuri kutoka kwa timu yao
