Yanga imeanza vyema msimu wa ligi kuu 2025/26 ikiibuka na ushindi wa mabao 3-0 dhidi ya Pamba Jiji katika mchezo uliopigwa uwanja wa Benjamin Mkapa
Licha ya kuanza mchezo huo taratibu, Yanga ilikwenda mapumziko ikiongoza kwa bao 1-0 lililofungwa Lassine Kouma aliyemaliza mpira wa kona uliochongwa na Edmund John
Mabadiliko aliyofanya kocha Romain Folz katika kipindi cha pili akiwaingiza Aziz Andabwile, Mohammed Doumbia, Pacome Zouzoua, Prince Dube na Mudathir Yahya yaliiongezea Yanga kasi ya kusukuma mashambulizi lango la Pamba Jiji
Alikuwa ni Maxi Nzengeli aliyefunga bao la pili akimalizia krosi ya Mohammed Hussein 'Zimbwe Jr' kabla ya Mudathir Yahya kufunga bao la tatu dakika za lala salama akimalizia krosi ya Pacome
Ni wazi ushindi ndio matokeo muhimu zaidi kwa Wananchi leo ingawa unaweza kusema Yanga haikucheza vizuri sana hasa katika kipindi cha kwanza kabla ya mabadiliko yalifoyanyika kwnye kipindi cha pili
