Mikiki mikiki ya ligi kuu ya NBC inaendelea leo ambapo mabingwa watetezi wa ligi hiyo Yanga wako ugenini mkoani Mbeya kuwakabili Mbeya City
Ni mechi nyingine muhimu kwa kocha Romain Folz na vijana wake kusaka alama tatu muhimu ugenini
Mbeya City haijawahi kuwa timu nyepesi hasa inapocheza na Yanga katika dimba la Sokoine hivyo ni wazi haitakuwa mechi rahisi
Yanga ilianza vyema kampeni ya kutetea taji lake msimu huu ikiichapa Pamba Jiji mabao 3-0 katika mchezo wa kwanza
Ushindi dhidi ya Mbeya City unaweza ukawapeleka Wananchi kileleni mwa msimamo wa ligi baada ya mechi mbili tu
Yanga ilitua Mbeya juzi, jana kikosi kikapata nafasi ya kufanya maandalizi ya mwisho katika dimba la Sokoine
Mkufunzi wa Yanga Romain Folz amewahakikishia Wananchi kuwa timu yao iko tayari na wanakwenda kupambana ili kushinda mchezo huo utakaopigwa saa 10:15 jioni
