Dakika 90 za kwanza mechi ya kuwania kufuzu hatua ya makundi ya michuano ya ligi ya mabingwa barani Afrika (CAFCL) zinapigwa leo nchini Malawi kwa wenyeji Silver Strikers kuwakabili mabingwa wa soka Tanzania Bara, Yanga
Ni mechi muhimu kwa Yanga kuanza vyema ugenini ili kujiweka katika nafasi nzuri ya kutinga hatua ya makundi
Yanga ilitua Malawi juzi ambapo kikosi jana kilikamilisha maandalizi yake ya mwisho katika uwanja wa Bingu ambao mchezo huo utapigwa leo saa 10 jioni
Yanga imekuwa na nyakati nzuri Malawi ambapo jana usiku kikosi kilipata wasaa wa kuonana na familia aliyewahi kuwa kocha mkuu Jack Chamangwana ambaye alifariki dunia mwaka 2018
Licha ya kuwa ugenini, Yanga leo inatarajiwa kuwa na sapoti kubwa ya mashabiki kwani takribani mabasi 50 yaliyobeba mashabiki yalisafiri kutoka Tanzania ambapo wataungana na Watanzania wanaoishi Malawi kuiunga mkono Yanga katika mchezo huo
