Mlinzi wa kulia wa Yanga Yao Kouassi 'Jeshi' ameendelea kujiimarisha kuelekea kufunguliwa kwa dirisha dogo la usajili Disemba 15.
Habari njema kwa Wananchi ni kuwa nyota huyo raia wa Ivory Coast atarejeshwa kikosini pale dirisha dogo litakapofunguliwa na bila shaka atajumuishwa katika kikosi cha ligi ya mabingwa ifikapo Januari 2025.
Yao alifanyiwa upasuaji mwezi May mwaka huu baada ya kusumbuliwa na majeraha ya goti kwa muda mrefu, akilazimika kukaa nje ya uwanja kwa miezi 6.
Katika dirisha lililopita Yanga ililazimika kumuondoa kwenye usajili huku nafasi yake ikichukuliwa na Frank Assink ambaye hata hivyo tangu asajiliwe hajafanikiwa kupenya katika kikosi cha kwanza.
Assink alitua Yanga kwa mkopo wa miezi sita ambapo dirisha dogo litakapofunguliwa anaweza kurejea Singida Black Stars na nafasi hiyo kuchukuliwa na Yao
