Ushindi wa mabao 4-1 ambao waliupata Yanga juzi dhidi ya KMC umewapeleka kileleni mwa msimamo wa ligi kwa mara ya kwanza msimu huu baada ya kufikisha alama 10 katika mechi nne walizocheza. Hata hivyo ushindi huo pia umekuja na rekodi za aina yake.
Katika msimu ambao mijadala mingi inaikosoa Yanga kuwa haichezi vyema, bado ndio timu iliyoanza vyema zaidi msimu ikiwa imefunga mabao tisa na kuruhusu bao moja tu.
Yaani Yanga ndio timu iliyofunga mabao mengi kuliko nyingine ambazo wachambuzi wanazisifia kuwa bora zaidi.
Lakini pia Yanga sasa imecheza zaidi ya siku 368 bila ya kupoteza mchezo wa ligi kuu.
Ndio! Wananchi hawajapoteza mchezo wa ligi kuu ya NBC tangu walipofungwa kwa mara ya mwisho na Tabora United mabao 3-1 pale uwanja wa Azam Complex.
Wakati huu ambao mashambulizi yamekuwa mengi kwa Wananchi, ni wakati pia kwa Yanga kujipanga zaidi ili kuendeleza ubabe.
