Dabi ya Kariakoo sasa hadi March 2026

Bodi ya Ligi kuu Tanzania Bara imefanya marekebisho kwenye ratiba ya Michezo ya Ligi kuu ya NBC ambapo mchezo wa Kariakoo Dabi kati Yanga SC dhidi ya Simba SC mzunguko wa kwanza umesogezwa mbele hadi March 1,2026 saa 11: 00 jioni kwenye uwanja wa Benjamin Mkapa.

Awali mchezo huo ulitakiwa kuchezwa December 13,2025 saa 11:00 jioni kwenye uwanja wa Benjamin Mkapa.

Mchezo kati ya Tanzania Prisons dhidi ya Yanga sasa utapigwa Disemba 02 katika uwanja wa Sokoine, Mbeya.

Aidha mchezo wa Mzizima Dabi kati ya Simba SC dhidi ya Azam FC utachezwa December 6,2025 saa 12:30 jioni kwenye uwanja wa Benjamin Mkapa.

Mchezo wa mzunguuko wa pili dabi ya Kariakoo kati ya Simba dhidi ya Yanga umepangwa kupigwa May 03, dimba la Mkapa