Wakati Yanga ikiwa tayari iko visiwani Zanzibar ikiendelea na maandalizi ya mchezo wa kwanza wa kundi D ligi ya mabingwa dhidi ya AS FAR, wapinzani wao hao wanatarajiwa kuwasili visiwani Zanzibar leo.
Timu hiyo ya Jeshi la Morocco, inatarajiwa kuwasili Unguja majira ya saa 3 usiku kwa mujibu wa taarifa.
Siku ya Jumamosi Novemba 22, Yanga itakuwa mwenyeji wa AS FAR katika mchezo unaosubiriwa kwa hamu na mashabiki wa soka nchini.
Utakuwa mchezo wa kwanza wa hatua ya makundi CAFCL kupigwa visiwani Zanzibar Yanga ikichagua kutumia uwanja wa New Amaan Complex.
Yanga ilitua Zanzibar mapema jana na jioni kuendelea na maandalizi yake ya mchezo huo.
ADVERTISE HERE
