ilikuwa miezi sita migumu na iliyohitaji uvumilivu kwa mlinzi wa kulia wa Yanga Yao Kouassi maarufu 'Jeshiii', ambaye alifanyiwa upasuaji wa goti mwezi Mei mwaka huu. Hatimaye sasa yuko tayari kurejea kikosini.
Yao amepona majeraha na kurejea mazoezini kikamilifu akihesabu siku kabla ya kujumuishwa kikosini pale dirisha dogo la usajili litakapofunguliwa Disemba 15.
Safu ya ulinzi upande wa kulia inakwenda kuimarika zaidi akitarajiwa kumpa changamoto Israel Mwenda ambaye alisajiliwa na Yanga baada ya kuumia kwake.
Yanga haina tena hofu eneo la walinzi wa pembeni kwani upande wa kulia kutakuwa na Yao, Mwenda na Kibwana Shomari huku upande wa kushoto Mohamed Hussein 'Zimbwe Jr' na Chadrack Boka wakihudumu.
Aidha; Yao, Mwenda na Kibwana wote wanaweza pia kutumika kama walinzi wa kushoto..!
