Katika mechi za raundi ya kwanza hatua ya makundi CAFCL, klabu hazikuweka logo rasmi ya michuano hiyo kwenye jezi zao, baada ya mchakato wa upatikanaji wa logo hizo kuchelewa.
CAF wamezikabidhi logo klabu zote na sasa kuanzia mechi za raundi ya pili zitaonekana kwenye jezi upande wa bega la kushoto.
Wakati Yanga ikizundua jezi zake kwa ajili ya michuano hiyo iliibuka mijadala kuwa wamebandika logo ya msimu uliopita huku watani zao Simba wakitamba kuwa na logo mpya lakini ukweli ni kwamba Yanga ilitumia logo ya msimu uliopita kwa kuwa hawakuwa wamepokea logo mpya.
Lakini pia hata watani zao Simba ni kama 'walidownload' logo ya CAF ambayo nayo haikuwa sahihi.
Hatimaye CAF wamekabidhi logo rasmi na zitaanza kuonekana katika mechi zinazofuata mwishoni mwa wiki.
