Meneja wa Habari na Mawasiliano wa Yanga Ali Kamwe amesema kikosi kitarejea mazoezini Disemba 15 baada ya mapumziko yaliyotolewa na kocha Pedro Goncalves kuanzia Disemba 07.
Kamwe amesema baada ya kurejea timu itajifua kwa siku tano hadi Disemba 20 ambapo wachezaji watapewa tena mapumziko kwa ajili ya sikukuu ya Christmass.
Baada ya sikukuu, Yanga itarejea tena mazoezini Disemba 29 kujiandaa na ratiba ya mechi za ligi kuu, ligi ya mabingwa na kombe la CRDB.
"Benchi letu la ufundi limetangaza mapumziko kuanzia tarehe 7 Desemba mpaka tarehe 15 Desemba, wakirejea tarehe 15 watafanya mazoezi mpaka tarehe 20 Desemba."
"Kisha watapumzika tena mpaka tarehe 28 Desemba na Wachezaji watapata fursa ya kwenda kusherehekea sikukuu na familia zao kabla ya kurejea tena mazoezini tarehe 29 kwa ajili ya maandalizi"
"Wote tunafahamu kuwa mwezi Januari tuna mechi za kimataifa pamoja na za nyumbani kwa kutegemea ratiba ya bodi ya ligi itakavyopangwa," alisema Kamwe
