Kocha Mkuu wa Yanga Pedro Goncalves tayari amewasilisha ripoti yake ya maboresho ya kikosi kuelekea dirisha dogo la usajili litakalofunguliwa hivi karibuni.
Meneja wa Haari na Mawasiliano wa Yanga Ali Kamwe amesema tayari uongozi umeanza kuifanyia kazi ripoti hiyo.
"Tayari mwalimu amewasilisha ripoti yake ya maboresho, viongozi wanapambana ili kuhakikisha mapendekezo yake yanafikiwa"
"Mara nyingi kwenye usajili wa dirisha dogo huwa sio rahisi kupata wachezaji bora na daraja la juu lakini uongozi umedhamiria kufanikisha kile alichopendekeza mwalimu, " alisema Kamwe.
Inaelezwa miongoni mwa maeneo ambayo Goncalves amehitaji maboresho ni safu ya ushambuliaji ambapo tayari Yanga inahusishwa na mshambuliaji hatari wa Angola Laurindo Dilson 'DEPU' ambaye ni pendekezo la Goncalves.
Yanga pia inatajwa kuwa kwenye mchakato wa kumsajili mshambuliaji wa TRA United, Emmanuel Mwanengo.
