Michuano ya kombe la Mapinduzi inatarajiwa kuanza kutimua vumbi Disemba 28 kwa mchezo kati ya Singida Black Stars dhidi ya Mlandege.
Yanga ni miongoni mwa timu zitakazoshiriki michuano hiyo itakayokutanisha timu 10 badala ya 8 zilizotangazwa awali.
Timu hizo zimepangwa katika makundi matatu ambapo kundi A linaundwa na timu nne huku makundi B na C yakiundwa na timu tatu tatu.
Mlandege Fc, Singida BS, Azam Fc na URA zinaunda kundi A ambapo katika kundi hilo timu mbili zitakazomaliza kwenye nafasi mbili za juu zitafuzu nusu fainali.
Kundi B linaundwa na timu za Simba, Mwembe Makumbi na Fufuni huku Kundi C likiundwa na Yanga, TRA United na KVZ
Timu zitakazomaliza nafasi ya kwanza kundi B na C zitafuzu hatua ya nusu fainali.
Yanga inatarajiwa kucheza mechi ya kwanza dhidi ya KVZ Januari 04 na kuhitimisha mechi ya pili ya makundi Januari 06 dhidi ya TRA United.
