Timu ya Taifa ya Tanzania 'Taifa Stars' imeanza vibaya michuano ya Afcon 2025 huko Morocco ikikubali kipigo cha mabao 2-1 dhidi ya Nigeria katika mchezo wa kwanza kundi C.
Vijana wa kocha Miguel Gamondi walicheza kwa nidhamu n tahadhari kubwa huku wakitumia mashambulizi ya kujibu.
Nigeria walifunga bao lao la kwanza kwenye dakika ya 36 kupitia kwa Semi Ajay akimalizia krosi ya Iwobi.
Stars walirejea mchezoni dakika chache baada ya kuanza kipindi cha pili kupitia kwa Charles Mmombwa aliyemalizia kwa umahiri pasi ya Novatus Dismas.
Hata hivyo Nigeria walifunga bao la pili dakika chache baadae kupitia kwa Ademola Lookman.
Stars ilimaliza mchezo huo kwa nguvu kubwa na pengine walikuwa na nafasi ya kusawazisha kwenye dakika za lala salama.
Stars imepoteza mchezo huo lakini unaweza kusema timu ilicheza vyema hasa kwenye kipindi cha pili.
