Ligi Kuu ya Wanawake WPL inazidi kushika kasi amapo leo Jumapili, mchezo wa kwanza wa dabi ya Kariakoo kwa kinadada msimu huu utapigwa.
Yanga Princess itakuwa mwenyeji wa Simba Queens katika mchezo utakaopigwa uwanja wa Azam Complex saa 12 jioni.
Ni katika msimu ambao kinadada Wananchi wamesema unyonge sasa basi, wakiingia 'mazima' kwenye vita ya kuwania ubingwa.
Yanga Princess iko kileleni mwa msimamo wa ligi ikikusanya alama zote 12 kutoka kwenye michezo minne waliyocheza.
Simba Queens wanafuatia nafasi ya pili wakiwa nyuma kwa tofauti ya mabao.
Hivyo ni mchezo ambao alama zake tatu zina thamani kubwa katika vita ya ubingwa msimu huu.
ADVERTISE HERE
