Mkufunzi wa Yanga Pedro Goncalves amethibitisha kuwa kiungo mshambuliaji Lassine Kouma hatakuwa sehemu ya kikosi kitakachoikabili TRA United katika mchezo wa kuhitimisha hatua ya makundi kombe la Mapinduzi.
Kouma aliumia katika mchezo uliopita dhidi ya KVZ ambao Yanga iliibuka na ushindi wa mabao 3-0.
Akizungumza katika mkutano na wanahabari mapema Jamatatu, Goncalves pia aliwaataja Celement Mzize, Mudathir Yahya na mlinda lango Aboubakar Khomein pia watakosekana/
“Tutawakosa wachezaji kadhaa akiwemo Clement Mzize ambaye anaendelea na mazoezi ya kuweka mwili sawa tangu arejee kutoka Majeruhi, pia Mudathir ambaye ana siku chache tu za kurudi uwanjani, Kadhalika Lassine Kouma na Golikipa wetu Khomein ambao na wao wapo kwenye majeruhi,” alisema
Goncalves ameweka wazi mpango mkakati wake kuelekea mchezo huo ambapo ameahidi kuendelea kuwapatia nafasi wachezaji wote ukiwa ni mpango wake wa kuimarisha viwango vya wachezaji wote.
“Tumekamilisha mazoezi ya kujiandaa na mchezo muhimu dhidi ya TRA, Dhamira yetu kubwa ni kuwa tayari kufanya vizuri kila mchezo, haijalishi wenzetu wamepata muda mrefu wa kujiandaa kuliko sisi lakini ni lazima tuwe tayari kwaajili ya kushinda, Ninaamini tutatinga hatua ya nusu fainali baada ya mchezo wa kesho,” alisema.
Yanga inahitaji ushindi au sare ili kutinga nusu fainali.
