Licha ya kuitumikia Yanga katika michuano ya kombe la Mapinduzi, kiungo mshambuliaji Mauruf Tchakei bado hajasaini mkataba wa kuwatumikia mabingwa hao wa soka nchini, imefahamika.
Imeelezwa kocha mkuu wa Yanga Pedro Goncalves alihitaji kumuona kiungo huyo aliyetoka klabu ya Singida Black Stars kabla ya kuidhinisha usajili wake.
Lakini baada ya Yanga kufanikisha usajili wa Mganda Allain Okello, ni wazi mpango wa kumsajili Tchakei umefutika.
Nyota huyo anatarajiwa kurejea katika klabu yake ya Singida Black Stars kuendelea na majukumu yake.
Okello anatarajiwa kutua nchini siku ya kesho Jumatatu na moja kwa moja kuelekea visiwani Zanzibar kuungana na kikosi cha Yanga.
Keshokutwa Jumanne Yanga inakabiliwa na mchezo wa fainali kombe la Mapinduzi dhidi ya Azam Fc utakaopigwa Gombani, Pemba
