Diarra tayari kwa safari ya Misri

Mlinda lango Djigui Diarra leo alikuwa sehemu ya kikosi cha Yanga kilichokamilisha maandalizi ya mwisho kabla ya safari ya kuelekea Misri.

Kesho Jumatano Alfajiri Yanga itaondoka nchini kuelekea Misri tayari kwa mchezo wa raundi ya tatu kundi B michuano ya ligi ya mabingwa dhidi ya Al Ahly utakaopigwa Ijumaa Januari 23.

Diarra alirejea nchini hivi karibuni baada ya kuiongoza Mali hatua ya robo fainali michuano ya Afcon 2025.

Mkufunzi wa Yanga Pedro Goncalves alimpa mlinda lango huyo mapumziko ya siku chache na leo amerejea rasmi kikosini.