Depu atwaa tuzo ya NIC Januari 2026

Mshambuliaji wa Yanga Laurindo Dilson Aurelio 'Depu' ameibuka mchezaji bora wa mwezi Januari 2026, akibeba tuzo inayotolewa na wadhamini NIC.

Depu aliyetua Yanga kwenye usajili wa dirisha dogo, hajahitaji muda kuthibitisha ubora wake kwani katika mechi mbili alizocheza mwezi Januari alipachika mabao matatu huku akitoa pasi moja ya bao.

Alifunga bao lake la kwanza katika mchezo dhidi ya Mashujaa Fc na kisha kupachika mabao mawili katika mchezo dhidi ya Dodoma Jiji.