Yanga yaondoka Morocco

Kikosi cha Yanga kimeondoka Morocco kurejea Tanzania baada ya mchezo dhidi ya AS FAR uliopigwa juzi Wananchi wakikubali kipigo cha bao 1-0.

Msafara wa Yanga uliondoka Rabat Jumapili saa 2 usiku hadi Casablanca ambako walichukua ndege safari hii wakipitia Lagos Nigeria kuunganisha ndege nyingine ya jijini Dar es salaam.

Timu inatarajiwa kuwasili nchini jioni ya leo Jumatatu ambapo kesho wataanza maandalizi ya mchezo wa kuhitimisha hatua ya makundi CAFCL dhidi ya JS Kabylie.

Jumapili Februari 15 Yanga itakuwa mwenyeji wa JS Kabylie katika mchezo ambao Wananchi wanahitaji ushindi ili kuwa na nafasi ya kufuzu robo fainali kutegemeana na matokeo ya mchezo kati ya Al Ahly dhidi ya AS FAR.