Meneja wa Habari na Mawasiliano wa Yanga Ali Kamwe amesema wanatambua mchezo wa ligi kuu dhidi ya Simba utakaopigwa Jumapili March 1 katika uwanja wa New Amaan Complex visiwani Zanzibar utakuwa mgumu.
Kamwe amesema kwa sasa Simba wana kikosi bora hivyo wanapaswa kujiandaa vyema huku wakitambua wanakabiliwa na mpinzani mgumu mbele yao.
"Nisema ukweli, wapinzani wetu Simba wana timu nzuri na wamesajili vizuri sana. Hawa watu wametoka kuangusha pointi kwenye mchezo uliopita lakini ukiangalia mechi yao walicheza vizuri, walikosa bahati tu"
"Mimi huwa naangalia mechi za Simba, nataka nijifunze vitu vingi kutoka kwao. Wamefanya usajli mzuri dirisha dogo," alisema Kamwe.
Kamwe amesema Yanga inaendelea na maandalizi yake huku akimtaja kiungo mshambuliaji Pacome Zouzoua kuwa anaendelea kuimarika, hatma yake itafahamika baada ya mazoezi ya hizi siku mbili zilizobaki.
Kuhusu Prince Dube, Kamwe amesema alicheza mechi iliyopita dhidi ya JKT Tanzania akiwa majeruhi hivyo nae anaendelea kuimarika
