Mlinzi wa kushoto wa Yanga Mohamed Hussein 'Zimbwe Jr' amesema licha ya ugumu wa mchezo wa ligi kuu dhidi ya Azam Fc, wamejiandaa kikamilifu ili kuondoka na alama tatu katika mchezo huo utakaopigwa uwanja wa Benjamin Mkapa.
Zimbwe Jr ambaye amekuwa katika kiwango kizuri tangu alipotua kwa mabingwa hao watetezi akitokea klabu ya Simba, amesema wanakwenda kwenye mchezo huo wakiwa na dhamira ya kushinda na kuhakikisha hawaruhusu bao kama walivyofanya katika mechi zilizopita.
"Sisi kama wachezaji maandalizi yameenda vizuri, leo tutakuwa na nafasi ya kufanya maandalizi ya mwisho kuelekea mchezo wa kesho."
"Tunatambua ni mchezo muhimu, utakuwa mchezo mgumu kwa sababu tunakutana n wapinzani wagumu. Tuna imani na maandalizi yetu, nina uhakika wa asilimia 100, tunakwenda kufanya vizuri na kupata alama tatu."
"Nikiwa ni mchezaji ninayehusika kwenye eneo la ulinzi, jukumu letu la kwanza ni kuhakikisha haturuhusu goli, na tunatambua huu ni mchezo muhimu wa ligi hatutakiwi kupoteza hivyo tutapambana ili tuweze kutimiza malengo yetu," alisema Zimbwe Jr.
Yanga ndio vinara wa ligi kuu wakikusanya alama 35 kutoka mechi 13, Azam Fc inashika nafasi ya tatu ikiwa na alama 27 baada ya mechi 13
