Mshambuliaji wa Yanga Prince Dube jana alishindwa kumaliza mchezo wa ligi kuu dhidi ya TRA United baada ya kupata majeraha.
Daktari wa Yanga Dk Moses Etutu amethibitisha Dube alipata jeraha la nyama za paja 'hamstring' akitarajiwa kuukosa mchezo wa ligi unaofuata dhidi ya Mtibwa Sugar utakaopigwa Jumamosi, March 21 katika uwanja wa Jamhuri mkoani Dodoma.
Kuumia kwa Dube kunaifanya Yanga iwakose washambuliaji wake wote wa kikosi cha kwanza wakiwa ni majeruhi.
Dube ameungana na Clement Mzize na Laurindo Aurelio 'Depu' ambao wote wanauguza majeraha.
Jeraha la Dube huenda likamuweka nje ya uwanja kwa muda wa hadi wiki tatu.
Jukumu la kuongoza safu ya ushambuliaji sasa limebaki kwa Emmanuel Mwanengo ambaye jana katika mchezo dhidi ya TRA United aliingia baada ya Dube kuumia.
