Kiungo mshambuliaji wa Yanga Allan Okello ni miongoni mwa wachezaji walioripoti kambini leo kwa ajili ya maandalizi kuelekea mchezo wa ligi kuu dhidi ya Tanzania Prisons utakaopigwa Jumamosi, April 04 uwanja wa KMC Complex.
Okello alirejea Uganda kwa ajili ya majukumu ya timu ya Taifa akiungana na mastaa wengine ambao walikabiliwa na majukumu kama hayo.
Wachezaji hao ni nahocha Bakari Mwamnyeto, Mohamed Hussein na Mudathir Yahya ambao walikuwa kwenye kikosi cha Taifa Stars kilichoshiriki FIFA Series nchini Rwanda huku Duke Abuya akiiongoza Harambee Stars akiwa nahodha katika mashindano kama hayo.
Nyota wote tayari wamerejea kuendelea na majukumu yao.
ADVERTISE HERE
