Mwanzoni mwa msimu Mfadhili/Mdhamini wa Yanga Ghalib Said Mohamed 'GSM' alitamka ile kauli yake maarufu 'YANGA BINGWA'.
Kauli hii imepata umaarufu kwa sababu GSM aliiasisi tangu msimu wa 2021/22, tangu msimu huo Yanga imetwaa ubingwa wa ligi kuu.
Msimu huu Yanga inalisaka taji la tano mfululizo ambapo mpaka sasa Wananchi wanaongoza ligi kwa tofauti ya alama nane.
Mwezi uliopita ulikuwa mgumu kwa Yanga kutokana na mfululizo wa mechi, takribani mechi nne zikitoa matokeo ya sare.
Lakini mpaka sasa unaweza kusema hesabu za Wananchi ziko salama. Kwani baada ya Simba na Azam Fc nazo kudondosha alama katika mechi mbili mfululizo, Yanga ina uhakika wa kukaa kileleni kwa tofauti ya alama tano hata ikitokea Simba wameshinda mchezo wa kiporo.
Yanga sasa ina mechi 12 za kuhakikisha ubingwa unarudi Jangwani kwa msimu wa tano mfululizo
