Diarra amaliza adhabu baada ya kukosa mechi tatu

Mlinda lango namba moja wa Yanga Djigui Diarra yuko tayari kurejea kikosini baada ya kumaliza adhabu ya kufungiwa mechi tatu.

Diarra ambaye alisimamishwa baada ya mchezo dhidi ya Mtibwa Sugar, alikosa michezo dhidi ya Tanzania Prisons, Pamba Jiji na TMA Stars.

Licha ya kukosekana kwake katika mechi hizo, Yanga iliibuka na ushindi kwenye kila mechi bila ya kuruhusu bao.

Aboutwalib Mshery alidaka mchezo dhidi ya Tanzania Prisons wakati Hussein Masalanga akikaa langoni katika michezo dhidi ya Pamba Jiji na TMA Stars.

Bila shaka Diarra atarejea langoni kwenye mchezo unaofuata dhidi ya Mbeya City utakaopigwa Alhamisi, April 16 katika uwanja wa KMC Complex.