Yanga imeacha alama zote tatu mkoani Singida wakikubali kipigo cha mabao 3-2 dhidi ya Dodoma Jiji katika mchezo uliopigwa uwanja wa Airtel, Mtipa mkoani Singida.
Unaweza kusema ni mechi ambayo Wananchi waliandikiwa kupoteza kwani walitengeneza nafasi nyingi na kuzipoteza utulivu ukikosekana mbele ya lango.
Allan Okello alifunga mabao yote ya Yanga huku nahodha Bakari Mwamnyeto akijifunga na Dodoma Jiji wakifunga mabao mawili dakika za lala salama kupitia Kibuta na Waziri Junior.
Ni matokeo ya mpira wa miguu, hesabu bado ziko salama upande wa Yanga lakini matokeo haya watapaswa kuwaamsha wachezaji wa Yanga kuongeza ukatili mbele ya lango.
Kwani mchezo wa leo pengine wangeweza kuondoka na ushindi mnono kama sio kupoteza nafasi nyingi, mshambuliaji Prince Dube pengine hatapata usingizi leo kwa kile kilichotokea kwani angeweza kuondoka na hat-trik katika mchezo huo.
