Ijumaa May 22 uwanja wa KMC Complex Yanga itaikaribisha Singda BS katika mchezo wa raundi ya 24 ligi kuu ya NBC.
Ni moja mechi ngumu zilizobaki kwa Yanga katika kutimiza mkakati wake wa kutetea taji la ligi kuu kwa msimu wa tano mfululizo.
Baada ya kupoteza mchezo uliopita dhidi ya Dodoma Jiji, ni wazi hakuna tena nafasi ya kufanya makosa kwa Wananchi katika mechi zilizobaki.
Wananchi wanahitaji alama tatu kwenye kila mchezo wakianza na Singida BS ambayo haijawahi kuwa mpinzani mwepesi kila inapokutana na Yanga.
Yanga iliibuka na ushindi wa mabao 3-0 kwenye mchezo wa duru ya kwanza uliopigwa mkoani Singida lakini haukuwa mchezo mwepesi.
Ufanisi na kutumia nafasi kwa usahihi ndio kilichopelekea Yanga kushinda mchezo huo. Wananchi wanapaswa kurudia kila walichofanya Sngida ili kuibuka na ushindi.
Singida BS tayari wako jijini Dar es salaam wakijiandaa na mchezo huo huku msemaji wao Hussein Masanza akitamba kuwa wamekuja Dar kuchukua alama tatu.
Yanga imeingia kambini leo kukamilisha maandalizi ya mtanange huo ambao Wananchi wanahitaji matokeo ya aina moja tu, ushindi.
