Kikosi cha Yanga kinaendelea na maandalizi yake kabla ya kuelekea mkoani Kigoma tayari kwa mchezo wa ligi kuu dhidi ya Mashujaa Fc.
Yanga inatarajiwa kuondoka jijini Dar es salaam siku ya Alhamisi ambapo watakuwa na siku moja ya kukamilisha maandalizi yao ya mwisho mkoani Kigoma tayari kwa mtanange huo utakaopigwa Jumamosi uwanja wa Lake Tanganyika
Ni mechi za lala salama ambazo alama tatu pekee ndizo zinazohitajika. Kocha Abdihamid Moalin na vijana wake wamepata muda wa kutosha kujiandaa na mchezo huo ambapo wachezaji ambao hawakuwa na majukumu ya timu za Taifa wamefanya mazoezi makali asubuhi na jioni kwa takribani siku 10.
Ni wazi Yanga itasafiri Kigoma ikiwa na dhamira moja tu, kwenda kuchukua alama tatu na kuendelea kujiweka katika nafasi nzuri ya kutetea ubingwa.
