Dozi ya Fountain Gate imekamilishwa Sheikh Amri Abeid

Jioni hii Yanga imekamilisha maandalizi yake uwanja wa Sheikh Amri Abeid kuelekea mchezo wa ligi kuu dhidi ya Fountain Gate.

Kesho Alhamisi, Yanga watakuwa wageni wa Fountain Gate katika mchezo utakaopigwa saa 10 jioni.

Mtendaji Mkuu wa Yanga Andre Mtine na Makamu wa Rais Arafat Haji leo walikuwa sehemu ya walioshuhudia mazoezi hayo ya mwisho.

Yanga inahitaji ushindi ili kurejea kileleni mwa msimamo wa ligi baada ya watani zao Simba kupata ushindi dhidi ya Mbeya City leo na kufikisha alama 64.