Kiungo mshambuliaji wa Fountain Gate Juma Issa Abushir juzi alikuwa miongoni mwa wachezaji wa timu hiyo waliong'ara katika mchezo wa ligi kuu dhidi ya Yanga uliopigwa uwanja wa Sheikh Amri Abeid mkoani Arusha na Yanga kuibuka na ushindi wa mabao 2-0.
Abushir maarufu 'Chuga Boy' amekuwa mmoja wa wachezaji tegemeo wa kikosi cha Fountain Gate akitabiriwa makubwa siku za usoni.
Meneja wa Habari na Mawasiliano wa Yanga Ali Kamwe hakusita kumwagia sifa Abushir ambaye ni mahiri kwenye matumizi ya guu lake la kushoto.
"Mimi nawaomba Fountain Gate wamtunze. Ni kijana mzuri, wamlinde asichanganyike changanyike na vitu vingi, anaweza kuwa msaada kwa Taifa hata kwenye AFCON," alisema Kamwe
Kuna tetesi kuwa mabosi wa Yanga wamemuweka kwenye mipango kinda huyo na anaweza kuibukia Jangwani pale msimu huu utakapofika tamati
