Yanga imeweka rekodi ya aina yake baada ya kutwaa ubingwa wa ligi kuu ya NBC kwa msimu wa tano mfululizo.
Ushindi wa mabao 3-0 dhidi ya JKT Tanzania katika mchezo uliopigwa uwanja wa Isamuhyo umewahakikishia Wananchi ubingwa wa 32 katika historia yao.
Prince Dube ndiye aliyefungua kalamu ya mabao akifunga bao la mapema dakika ya 9 ambalo liliwapeleka Wananchi mapumziko wakiwa mbele.
Hata hivyo ilikuwa huzuni kwa mashabiki wa Yanga pale waliposhuhudia kiungo mshambuliaji Pacome Zouzoua akipata majeraha mabaya mwishoni mwa kipindi cha kwanza tukio ambalo lilipeleka beki wa JKT Tanzania Twalib Hassan kutolewa nje kwa kadi nyekundu.
Kipindi cha pili Yanga iliendelea kutawala mchezo na kuongeza mabao mengine mawili kupitia kwa Maxi Nzengeli na Laurindo Aurelio 'Depu'.
Ama kwa hakika ulikuwa msimu wenye misukosuko ya hapa na pale lakini kwa mara nyingine Yanga imeweza kuibuka kidedea na kuandikisha historia.
Pongezi kwa benchi la ufundi kuanzia Romain Folz, Pedro Goncalves na Abdihamid Moalin na wenzake ambao wameweza kukamilisha vyema malengo pale walipokabidhiwa majukumu
Ari na moyo wa upambanaji hata katika nyakati ambazo wengi walipoteza matumaini, zimewapa zawadi kubwa ya ubingwa mwishoni.
YANGA BINGWAAAAAAA...!
