Rais wa Yanga Injinia Hersi Said anaweza kuwa kiongozi mwenye mafanikio zaidi kwenye historia ya mpira wa miguu hapa Tanzania, ameandika Meneja wa Habari na Mawasiliano wa Yanga, Ali Kamwe
Katika kipindi cha miaka minne ya uongozi wake, Injinia Hersi amewaongoza Wananchi kutwaa jumla ya makombe 15 ya mashindano ya ndani.
Kwenye michuano ya CAF, Hersi ameitoa klabu ya Yanga kucheza hatua ya makundi ya Ligi ya Mabingwa Afrika mara tatu mfululizo.
Awali, hakuna klabu Tanzania iliyowahi kucheza hatua ya makundi mara tatu mfululizo Ligi ya Mabingwa.
Ilionekana haiwezekani mpaka Wanayanga walipompa Hersi kiti cha kuiongoza Yanga yao. Kama haitoshi, kwenye Kipindi cha miaka minne, Hersi ameipa Yanga heshima ya MEDALI YA CAF kupitia Kombe la Shirikisho Afrika Baada ya YANGA kupoteza mchezo wa fainali kwa sheria ya goli la ugenini.
Huyu ndio Injinia Hersi Said ambaye hata katika msimu ambayo Yanga ilionekana kuwa chini bado Wananchi wameumaliza kwa kubeba makombe manne
