Kamati Maalum Yanga yakutana

Kamati iliyoundwa na klabu ya Yanga kusimamia masuala ya usajili na mikataba ya wachezaji imekutana jana kuandaa mkakati wa kazi.

Mmoja wa Wajumbe wa Kamati hiyo Ridhiwani Kikwete amethibitisha kufanyika kwa kikao hicho ambacho hata hivyo yeye hakuhudhuria kutokana na kukabiliwa na majukumu ya kibunge.

Ridhiwani amesema hicho ni kikao cha kwanza kufanyika tangu kuundwa kwa Kamati hiyo ambayo kazi yake kubwa ni kuhakikisha inairejeshea Yanga makali yake kwa kukusanya fedha za kutosha kukamilisha masuala ya usajili.

Kamati hiyo pia itashughulikia masuala ya mikataba ya wachezaji wanaobaki Yanga.

Kamati hiyo inaongozwa na aliyewahi kuwa Mwenyekiti wa Yanga, Abbas Tarimba ambaye anasaidiwa na Said Mecky Sadiq.