Mavugo athibitisha kuwaniwa na Yanga

Mshambuliaji wa Simba anayemaliza mkataba wake Laudirt Mavugo amesema Yanga ni moja ya timu zinazomuwania kumsajili kwa ajili ya msimu ujao.

Mkataba wa mshambuliaji huyo na klabu ya Simba unamalizika Julai 05, 2018 na amekataa ofa ya kuuongeza mkataba kwa mwaka mmoja iliyotolewa na klabu hiyo.

Mbali na Yanga, Mavugo amezitaja Singida United, Gor Mahia na AFC Leopards kuwa timu nyingine zilizowasilisha ofa mezani.