Uongozi wa Yanga unaendelea na mchakato wa kumpata kocha mpya atakayechukua mikoba iliyoachwa na Pedro Goncalves, imefahamika.
Awali kulikuwa na taarifa mabingwa hao wa soka Tanzania bara kuwa kwenye mazungumzo na kocha wa zamani wa Raja CA Fadlu Davids lakini inaelezwa mzungumzo hayo yamevunjika.
Kwa mujibu wa mchambuzi na mwandishi wa habari za michezo wa Afrika Kusini Ayabonga Mthembu, pande mbili hazikufikia makubaliano kwenye masuala ya bonasi.
Yanga sasa inaendelea na mchakato wa kumsaka mrithi wa Pedlo ambapo pengine mpaka kufikia mwishoni mwa wiki hii huenda akafahamika.
Aidha bado Yanga haijatangaza kulivunja benchi lake la muda lililoongozwa na kocha Abdihamid Moalin na Patrick Mabedi makocha hao nao wakisikilizia hatma zao kuelekea msimu ujao.
Moalin na Mabedi ameiongoza Yanga kwenye mechi 7 za mwishoni mwa msimu wakipoteza michezo miwili mmoja wa ligi kuu dhidi ya Dodoma Jiji na mwingine wa kombe la CRDB nusu fainali dhidi ya Azam Fc.
Hata hivyo waliweza kutimiza malengo ya kutwaa ubingwa wa ligi kuu kwa msimu wa tano mfululizo.
