Beki Frank Assink amemaliza mkataba wake wa mkopo wa msimu mzima kunako klabu ya Yanga.
Assink alitua Yanga msimu uliopita kwa mkopo ambao ulifikia tamati Juni 30 baada ya kutamatika kwa ligi kuu ya NBC.
Yanga haijafungua mazungumzo yoyote na beki huyo wa Ghana na huenda akarejea kwa waajiri wake, Singida BS.
Inaelezwa mabosi wa Yanga wanatarajia kusajili beki wa ndani kwenye nafasi yake ili nafasi hiyo itumike kuongeza nguvu maeneo ambayo yatahitaji mchezaji wa kigeni hasa safu ya ushambuliaji.
Mabingwa hao wa soka nchini wanahusishwa na beki na nahodha wa TRA United Nasri Kombo ambaye inaelezwa tayari Wananchi wamemalizana nae.
Msimu uliomalizika Yanga ilikumbwa na changamoto kwenye safu yake ya ulinzi hasa baada ya nahodha msaidizi Dickson Job kupata majeraha kwenye mchezo dhidi ya Simba March 1.
Job anatarajiwa kurejea kwenye majukumu yake wakati wa maandalizi ya pre-season.
