Kutokana na changamoto ya majeraha inayomkabili kiungo mshambuliaji Pacome Zouzoua, Meneja wa Habari na Mawasiliano wa Yanga Ali Kamwe ametangaza rasmi kuwa profesa huyo wa mpira hatakuwa sehemu ya kikosi cha Yanga kuelekea msimu wa 2026/27 wakati akiendelea na matibabu.
Kamwe amesema tayari mchezaji huyo ameondolewa kwenye mfumo wa usajili 2026/27; lakini katika kipindi chote atakachokuwa nje, ataendelea kupata stahiki zake zote kama mchezaji wa Yanga.
Kamwe amesema Yanga itaongeza mchezaji mmoja wa kigeni ili kuziba nafasi ya kiungo mshambuliaji huyo ambaye aliumia Juni 30 katika mchezo wa mwisho ligi kuu ya NBC msimu uliopita dhidi ya JKT Tanzania.
Msemaji wa mabingwa hao wa nchi amebainisha kuwa sasa usajili wa nyota wa kigeni wamebaki wawili.
Kuhusu nyota wengine waliokuwa majeruhi Dickson Job na Clement Mzize, Kamwe amesema taarifa ya awali ilibainisha kuwa wachezaji hao wangerejea kikosini mwanzoni mwa Disemba 2026 lakini kutokana na kasi yao kwenye pre-season inayoendelea Avic Town, wanaweza kurejea mapema, pengine hadi mwezi Oktoba watakuwa tayari kucheza mechi za ushindani.
