Shirikisho la Mpira wa Miguu Barani Afrika (CAF) leo Alhamisi, Agosti 6, 2026, linafanya droo ya hatua za awali za michuano ya Ligi ya Mabingwa Afrika (CAF Champions League - CAFCL) na Kombe la Shirikisho Afrika (CAF Confederation Cup - CAFCC) kwa msimu wa 2026/2027.
Hafla hiyo itafanyika katika makao makuu ya CAF jijini Cairo, Misri, na itarushwa mubashara (LIVE), huku klabu zote shiriki zikisubiri kufahamu wapinzani wao katika raundi ya kwanza ya michuano hiyo.
Kwa mujibu wa ratiba iliyotolewa na Idara ya Mashindano ya CAF, droo ya Kombe la Shirikisho (CAFCC) itaanza saa 8:00 mchana kwa saa za Afrika Mashariki (EAT), kabla ya kufuatiwa na droo ya Ligi ya Mabingwa Afrika (CAFCL) saa 9:00 alasiri.
Mabingwa wa Ligi Kuu Tanzania Bara, Yanga SC, pamoja na watani wao Simba SC, wataiwakilisha nchi katika Ligi ya Mabingwa Afrika (CAFCL). Nazo Azam FC na Singida Black Stars zitashiriki michuano ya Kombe la Shirikisho Afrika (CAFCC).
Azam Fc wao wataanzia raundi ya kwanza kombe la Shirikisho wakati timu nyingine zikianzia hatua ya awali.
