Meneja wa Habari na Mawasiliano wa Yanga Ali Kamwe ameweka msisitizo kuwa klabu hiyo bado haijafunga usajili ambapo mchezaji wa mwisho atatambulishwa siku ya Jumapili kwenye kilele cha Wiki ya Mwananchi (Yanga Day).
Kamwe amesema ni ahadi iliyotolewa na Rais wa Yanga Injinia Hersi Said ambaye siku ya Mkutano Mkuu wa Wanachama wa Yanga alidokeza maelekezo kutoka kwa mdhamini wa klabu hiyo GSM kuhusu kumalizana na mchezaji 'aliyekuwa akiwasumbua'
"Niwaambie Wanayanga msiponunua tiketi mapema mkategemea mnunue Jumamosi, mnaweza kulikosa tukio hili la kihistoria."
"Ni tukio kubwa ambalo linakwenda kuweka standard nyingine ya Yanga kwenye ubora wa matukio yake."
"Siku hiyo tunakwena na 6/3, tumeahidi Jumapili Yanga ndio tunakwenda kufunga usajili, wako watu wanafanya mazoezi na mchezaji wetu, wanapiga nae picha, video, wanachat na kuwasiliana nae lakini Jumapili watamuona pale uwanja wa Uhuru akitabulishwa Yanga Afrika."
"Ni usajili wetu wa mwisho tunakwenda kufunga," alitamba Kamwe
